معنى الارقام المكتوبة على الاطار - الكاوتش

طبعا بنلاقي ارقام كتيرة مكتوبة ع الاطار
معظم الناس ما تعرفش معناها
والاقلية بيتكلموا في مقاس الجانط وعرض الكاوتش
لكن في حاجات تانية كتير لازم تعرفها

ونبدأ بمثال عشان كلامنا يبقى واضح
العربية Mini cooper مثلا بتنزل السوق بإطارات مقاسها
P195/55R16 85H

كل حاجة متلونة ليها معنى
تعالوا نعرف معانيها
P معناها اطارات سيارة للركوب
195 ده عرض الاطار بالملي متر عند اعرض نقطة (يعني 19.5 سم)
55 معناها ان ارتفاع الكاوتش 55% من عرضه (يعني 10.7 سم)
R معناها اطار راديال Radial
16 مقاس الجنط بالبوصة (معظم العربيات بتبقى 13 او 14 بوصة)
85 معامل التحميل ومعناه 515 كجم لكل لطار (وهاضيفله جدول تحت)
H معامل أقصى سرعة يتحملها الاطار ومعناه هنا 210 كم /ساعة (وهاضيفله جدول تحت)

جدول معاملات التحميل

جدول معاملات السرعة

شكل الاطار موضح عليه التفاصيل

مصطلحات أخرى:
P زي ما قلنا معناها سيارة ركوب
LT سيارة نقل خفيف
ST سيارة نقل مقطورة

نيجي لنقطة مهمة
وهي تاريخ تصنيع الاطار
للأسف في معظم الحوادث اللي بتحصل بتبقى بسبب ان الاطار صلاحيته انتهت من غير ما الناس ما تعرف
المفروض كل مرة تروح عند بتاع الكاوتش تخليه يكشفلك عليهم كويس
وحاجة تانية هي اللي هانتكلم عليها من ضمن البيانات اللي بتبقى مكتوبة ع الكاوتش وهي تاريخ التصنيع
المفروض الكاوتش ما يُستخدمش بعد 5 سنين من تاريخ انتاجه (يعني كمان مش من تاريخ استخدامه!!) وطبعا الاستخدام يكون زي ما هو مصنع عشانه (اختلاف نوع الطرق)

أما التاريخ بيكون مكتوب بطريقة غريبة شوية!!
يعني مثلا الكاوتش اللي راكب عندي حاليا: 3103
معناها ايه دي؟؟!!
الاسبوع 31 سنة 2003
يعني تقريبا شهر 7 / 2003

وزمان قبل سنة 2000 كانوا 3 ارقام بس
مثال : 253
أول رقمين 25 الاسبوع 25 والـ 3 معناها 1993 أو 1983

أتمنى الموضوع يكون عجبكم
منقول